Christian Bible Discipleship

Isono esingathethelelwe  siyisimo esinzima nesibuhlubgu  kunazo zonke umuntu angazicabanga.

UJesu Kristu uthethelela izono ngesisekelo segazi lakhe elachitheka esiphambanweni

Uma sithi ” ngesisekelo segazi lika Jesu Kristu”,sisuke sithi Uma ukholwa ngu Jesu Kristu izono zakho ziyathethelelwa ngaso lesosikhathi.Uma ongakholwa ngu Jesu Kristu 

” Your sins remain unforgiven”,

Uma ufa awuzukuvuka uvukele ekuphileni okuphakade .Ulaka Luka Jehova luhlezi luphezu kwakho.Uma ufa uzovuka uyolahlwa esihogweni.

Ephesians 1:7

esinokuhlengwa kuye ngegazi lakhe, ukuthethelelwa kwezono ngokwengcebo yomusa wakhe

Ukuze singayi esihogweni kudingeke ukuthi sithole umusa kaNkulunkulu .

1 Johane 1:7

kepha uma sihamba ekukhanyeni, njengalokhu yena uqobo esekukhanyeni, khona sinenhlanganyelo omunye nomunye, negazi likaJesu iNdodana yakhe liyasihlambulula ezonweni zonke.

Ukuhamba ekukhanyeni kungukukholwa ngu Jesu Kristu .Ngaphandle kuka Jesu akukho ukukhanya kumuntu.Umuntu angezenzele ukukhanya ngokwakhe.Umuntu ukhanya ngoba izono zakhe zithethelelwe ngu Jesu Kristu.

UJesu Kristu uthethelela izono ngesisekelo segazi lakhe elachitheka esiphambanweni

Kodwa-ke, ngaphambi kokuba aye esiphambanweni, uJesu watshela abantu ababili ukuthi izono zabo zithethelelwe. Leli qiniso liyabadida abanye abantu. UJesu wayengasithethelela kanjani isono ngaphambi kokuba umhlatshelo wenziwe?

Phela, amaHebheru 9:22 athi,

“Ngaphandle kokuchitheka kwegazi akukho ukuthethelelwa.”

Hebrews 9: 22

Yebo, cishe zonke izinto zihlanjululwa ngegazi ngokomthetho; ngaphandle kokuchitha igazi akukho ukuthethelelwa.

Ake sithole abantu ababili uJesu athi kubo,

“Izono zakho zithethelelwe,”

ngaphambi kokuba afe esiphambanweni. Owokuqala yindoda eyayikhubazekile eyalethwa kuJesu Kristu ngabangane futhi yehliswa ngophahla ukuze iphulukiswe.

“UJesu Kristu ebona ukukholwa  kwabo, wathi,

‘Mngane, izono zakho zithethelelwe’”

Luka 5:20

Ebona ukukholwa kwawo wathi: “Mngane, uthethelelwe izono zakho.”

Umuntu wesibili uJesu Kristu athi kuye

” Izono zakho zithethelelwe”

engakabethelwa

” ngowesifazane onesono oweza kuJesu ngesikhathi edla endlini kaSimoni umFarisi. Ibona inhlonipho yakhe, iNkosi uJesu Kristu yaqhathanisa uthando lwalona wesifazane nokungabibikho Kothando Luka Jesu Kristu kumFarisi uSimoni

. “UJesu wathi kuye,

‘Izono zakho zithethelelwe’”

Luka 7:48

Wayesethi kuye: “Zithethelelwe izono zakho.”

Kuzo zombili izimo, amazwi kaJesu abangela isiyaluyalu esikhulu phakathi kwababelalele

Luke 5:21

Ababhali nabaFarisi baqala ukuzindla ngokuthi: “Ngubani lo okhuluma ngokuhlambalaza? Ngubani ongathethelela izono ngaphandle kukaNkulunkulu yedwa na?”

Luke 7:49

Ababehlezi naye ekudleni baqala ukusho phakathi kwabo ukuthi: “Ngubani lo othethelela nezono na?”

Lapho uJesu ethi, “Izono zakho zithethelelwe”—ngisho nangaphambi kokuba afe esiphambanweni—wayengakhulumi amazwi angenalutho. Wayenamandla okuthethelela isono, njengoba nje ayenamandla okuphulukisa ukukhubazeka. Eqinisweni, uJesu Kristu wasebenzisa ukuphulukiswa ngokwenyama ukuqinisekisa igunya Lakhe lokunikeza ukuphulukiswa okungokomoya: “‘Ngifuna nazi ukuthi iNdodana yomuntu inamandla emhlabeni okuthethelela izono.’ Ngakho wathi kumuntu okhubazekile, ‘Ngithi kuwe, vuka, uthathe uhlaka lwakho uhambe.’ Masinyane wasukuma phambi kwabo, wathatha lokho ayelele kukho, waya ekhaya edumisa uNkulunkulu”

Luka 5:24–25

Kepha ukuze nazi ukuthi iNdodana yomuntu inamandla emhlabeni okuthethelela izono,” wayesethi kofe uhlangothi: “Kuwena ngithi: Vuka uthabathe uhlaka lwakho, uye endlini yakho.” Wasukuma khona lapho phambi kwabo, wathabatha lokho abelele kukho, wamuka waya endlini yakhe emdumisa uNkulunkulu.

Amandla kaJesu Kristu awacikile futhi awakawulwa ukuthi useyile Noma akakayi esiphambanweni ukuyokufa,kodwa alawulwa ukuthi ungu Nkulunkulu.Asikho isimo esingalaleleli ngisho:

Ephila unamandla

Efile unamandla okuvuka

Esevukile unamandla okunyuka

Esenyukile unamandla okubuya azovusa abakholwa nguye nge “Rapture.”

UJesu Kristu unamandla okukwenza konke kwenzeka.

Kwi Testamente Elidala, siyathola ukuthi kukhona abanye abantu abathethelelwa izono zabo ngaphambi kokuba uJesu afe esiphambanweni.

UDavide wathandazela ukuthethelelwa kwezono zakhe

Psalms  51:2

Ngigezisise ebubini bami, ungihlanze esonweni sami.

Futhi wakuthola ukuthethelelwa .

“Ubusisiwe lowo othethelelwe izono zakhe”

Psalms  32:1

Ubusisiwe osiphambeko sakhe sithethelelwe, osono sakhe sisibekelwe.

Njengoba ethinta u-Isaya ngelahle elivela e-altare, ingelosi yamemezela intethelelo yomprofethi:

“Icala lakho lisusiwe futhi isono sakho sihlawulelwe”

Isaya 6:7

Ukubuyisana okunikezwa yimihlatshelo yezilwane kwaholela ekuthethelelweni

Leviticus 4:20

Makenze njalo ngenkunzi; njengalokho wenza ngenkunzi yomnikelo wesono, makenze njalo nangalena. Umpristi abenzele ukubuyisana, baze bathethelelwe.

Leviticus 4: 26,

Onke amanoni awo uyakuwashisa e-altare njengamanoni omhlatshelo weminikelo yokuthula, umpristi ayenzele ukubuyisana ngesono sayo, ize ithethelelwe.

Leviticus 4: 31

Onke amanoni awo uyakuwasusa, njengalokhu amanoni esuswa emhlatshelweni weminikelo yokuthula, umpristi awashise e-altare abe yiphunga elimnandi kuJehova, umpristi amenzele ukubuyisana, aze athethelelwe.

Levitikus 4: 35

Onke amanoni awo uyakuwasusa, njengalokhu amanoni emvu esuswa emhlatshelweni weminikelo yokuthula, umpristi awashise e-altare phezu kweminikelo yomlilo kaJehova, umpristi amenzele ukubuyisana ngesono sakhe one ngaso, aze athethelelwe.

Ukuthethelela kuyindaba kaNkulunkulu.

“Kuwe kukhona ukuthethelela, ukuze wesatshwe”

Psalms 130:4

Kepha ukuthethelela kukuwe, ukuze wesatshwe.

“Wena, Nkosi, umuhle, futhi ulungele ukuthethelela”

Psalms 86:5

Ngokuba wena, Nkosi, umuhle, ungothethelelayo, unomusa omkhulu kubo bonke abakhala kuwe.

“Isihawu nokuthethelela kungokwaseNkosini uNkulunkulu wethu”

Daniel 9:9.

Kepha kuyo iNkosi, uNkulunkulu wethu, kukhona umusa nokuthethelela; ngokuba simhlubukile,

Lapho uJesu ebonisa amandla akhe okuthethelela izono, wabonisa ngokusobala ukuthi uyiNdodana kaNkulunkulu usebenzisa igunya likaNkulunkulu kuleli zwe.

“Ngubani ongathethelela izono ngaphandle kukaNkulunkulu yedwa?”

Luka 5:21

Ababhali nabaFarisi baqala ukuzindla ngokuthi: “Ngubani lo okhuluma ngokuhlambalaza? Ngubani ongathethelela izono ngaphandle kukaNkulunkulu yedwa na?”

Akekho omunye uNkulunkulu ngaphandle kuka Nkulunkulu uyise weNkosi yethu uJesu Kristu .UJesu Kristu waba ngu Nkulunkulu owayese nyameni.

Ukuthethelelwa kwesono kuzo zonke izikhathi kuye kwasekelwa ekufeni kukaJesu esiphambanweni

Hebrews 9:15

Ngalokho-ke ungumlamuleli wesivumelwano esisha, kuze kuthi ngokufa okungenxa yokukhululwa eziphambekweni zesivumelwano sokuqala ababiziweyo bazuze ifa eliphakade elathenjiswayo.

ETestamenteni Elidala, izono zazithethelelwa ngesisekelo sokufa kukaJesu esiphambanweni, lapho imihlatshelo yezilwane yayifanekisela khona. Ngesikhathi sokuphila kukaKristu, izono zathethelelwa ngesisekelo sokufa Kwakhe okwakuseza esiphambanweni—izinzuzo zalowo mhlatshelo zanikezwa labo ababenokholo kuJesu. Manje, ngokholo, sibheka emuva ekufeni nasekuvukeni kukaKristu futhi sithola intethelelo kaNkulunkulu. Izindaba ezinhle zinjengoba uPawulu ashumayela, “Bangane bami, ngifuna nazi ukuthi ngoJesu ukuthethelelwa kwezono kumenyezelwa kini”

Acts 13:38

Ngakho-ke makwazeke kini madoda, bazalwane, ukuthi ngalowo kumenyezelwa kini ukuthethelelwa kwezono, nakukho konke ebeningenakulungisiswa kukho ngomthetho kaMose

Uma simethemba uKristu, izwi kithi lifana nalelo elakhulunywa kowesifazane othethelelwe endlini kaSimoni:

“Ukholo lwakho lukusindisile; hamba ngokuthula”

Luke 7:50

Kepha wathi kowesifazane: “Ukukholwa kwakho kukusindisile; hamba, ube nokuthula.”

Kungani uJesu kwadingeka afe?

UJesu Kristu kwadingeka afe ukuze akhokhe isijeziso sezono zethu. Kwakufanele kufe thina esihogweni ngenxa yezono zethu kodwa uNkulunkulu weza yena eyindodana ukuze yena uqobo lwakhe afe enyameni  ukuze thina singafi kodwa siphile ingunaphakade.

John 3;16

“Ngokuba uNkulunkulu walithanda izwe kangaka, waze wanikela ngeNdodana yakhe ezelwe yodwa ukuba yilowo nalowo okholwa yiyo angabhubhi, kodwa abe nokuphila okuphakade.

Ukufa kuka Jesu Kristu sekuyiyona ndlela kuphela eyanele yokubuyisana phakathi kukaNkulunkulu ongcwele nezoni . Ukufa kuka Jesu Kristu kwagcwalisa isiprofetho, kwabonisa uthando lukaNkulunkulu, futhi kwaphula amandla okufa ngokuvuka Kwakhe.UNkulunkulu wazidela ngenxa yothando analo ngathi.Ngokuvuka kwakhe uJesu Kristu waphula amandla okufa.

UJesu Kristu wafa ngenhloso yokuhlawulelwa Kwesono:

Ngoba “inkokhelo yesono ingukufa”

Roma 6:23

Ngokuba inkokhelo yesono ingukufa, kepha isipho somusa sikaNkulunkulu singukuphila okuphakade kuKristu Jesu iNkosi yethu.

uJesu, owayengenasono, wathwala izono zomhlaba.

UJesu Kristu ungumhlatshelo Othatha Indawo yethu:

UJesu Kristu wafa esikhundleni sethu, egcwalisa ubulungisa bukaNkulunkulu.

UJesu Kristu uyindlela Okuwukuphela Kwayo eya Ezulwini:

Ukufa nokuvuka kukaJesu kwanikeza indlela okuwukuphela kwayo eya ekuphileni okuphakade.UJesu Kristu ugcwalisa imfuneko ( requirememt ) yomhlatshelo ophelele.

Ukufa kuka Jesu Kristu kungukugcwaliseka KwemiBhalo: Ukuhlupheka nokufa kwakhe kwabikezelwa eTestamenteni Elidala, njengaku-Isaya 53.

Wayesho ukuthini uJesu lapho ethi “Kuphelile”? Kwakuyini ukubaluleka kwesihenqo sethempeli esidatshulwe phakathi lapho uJesu efa?Kungani igazi namanzi kwaphuma ohlangothini lukaJesu lapho ehlatshwa?Kuyini i-Swoon Theory? Ingabe uJesu wasinda ekubethelweni?